JÓLAGUDSTÆNASTA OG JÓLAHUGNI

 

Leygardagin tann 11. desembur kl. 14,00 verður føroysk gudstænasta í Ellebæk kirkju, Beethovensvej 22, 7500 Holstebro

Borgny Brynings Hansen sóknarprestur prædikar. 

Aftaná gudstænastuna verður jólahugni, har borðreitt verður við kaffi og køkum.

Kostnaður 25 kr. fyri vaksin, børn ókeypis. Dansa verður um jólatræðið, og jólamaðurin vitjar.

Í hesum sambandi verður høvið at senda jólaheilsur til okkara kæru heima í Føroyum

RÆSTKJØTAVEITLSA

Set kross í kalendaran  LEYGARDAGIN 19. FEBRUAR 2022, tí tá verður vælumtókta RÆSTKJØTAVEITSLAN á skránni hjá Føroyingarfelganum Mið- og Vesturjyllandi.
Veitslan verður hildin í Sinding Feriecenter, har tað eisini eru góðar umstøður at yvirnátta.
Nærri boð um tilmelding koma seinni.

ROKNSKAPUR OG FORMANNSFRÁGREIÐING

NÚ BER TIL AT SÍGGJA ROKNSKAPAR OG FORMANNSFRÁGREINGAR Á HEIMASÍÐUNI HYGG Í MENUINA🙂

LÓGARBROYTING § 10

§ 10. Limagjaldið skal gjaldast í seinasta lagi 31. januar. Limir, ið ikki hava goldið til tíðina, verða strikaðir fyri restina av roknskaparárinum. Um limir hava børn undir 18 ár, skulu børnini ikki gjalda limagjald, men eru limir við ongum atkvøðurætti.

Uppskot til lógarbroyting frá nevndini §10 Ynskist broytt til fylgjandi: 

Limaskapur kann teknast ígjøgnum alt kalendaraárið. Fyri at hava atkvøðurætt til aðalfundin, skal limagjaldið vera goldið. Um limir hava børn undir 18 ár, skulu børnini ikki gjalda limagjald, men eru limir við ongum atkvøðurætti.